இலங்கை குறும் செய்திப் பலகை.

இலங்கையில் 41.8 வீதமானோர் திருமண வயது வந்தும்
திருமணம் ஆகாதாவர்களாகக் காணப்படுகிறார்கள்.

செய்தித் தொகுப்பு :- வைரமுத்து சிவராசா – யேர்மனி

கடந்த வருடத்தில் நாட்டில் 900 சிறுவர்கள் புற்றுநோயாளிகளாக அடையாளம் காணப்பட்டதாகப் புற்றுநோய் பணியகம் அறிவித்தது.
இலங்கையில் 2024ம் ஆண்டில் 595 பேரும் 2025ம் ஆண்டில் 388 பேரும் நீரில் மூழ்கி மரணமடைந்திருக்கிறார்கள்.
யாழ் மாவட்டத்தில் 40 வீதத்திற்கும் மேற்பட்ட பிறப்புகள் சத்திர சிகிச்சை மூலமே இடம்பெறுவதாக யாழ் போதனா வைத்தியசாலை வைத்தியர் தெரிவித்தார்.
தமிழர் பிரதேசங்களில் குழந்தைகள் பிறப்பு குறைவடைந்து வருவதால் பல பாடசாலைகள் மூடப்படும் அபாய நிலை எற்பட்டுள்ளதாக தெரியவருகின்றது.
2026 தை, மாசி மாதங்களில் நாட்டில் 12.165 டெங்கு நோயாளர்கள் அடையாளம் காணப்பட்டதாக சுகாதார அமைச்சு அறிவித்தது.
நாட்டின் வீதி விபத்துக்களால் நாளாந்தம் சராசரியாக 20 பேர்வரை பலி. கடந்த 5 வருடங்களில் 15.000 பேர் இறப்பு. இவ்வருடம் 1.1.2026 – 30.3.2026வரை 457 விபத்துகளில் 475 பேர் பலி 1.800 பேர் படுகாயம்.
இலங்லையில் அடையாளம் காணப்படாமல் 5.000 க்கும் அதிகமான காச நோயளர்கள் காணப்படுகிறார்கள். வருடாவருடம் 8.500 – 9.000 காசநோயாளர்கள் அடையாளம் காணப்படுகிறார்கள் என காசநோய் தடுப்புச் சங்கம் அறிவித்துள்ளது.
நாட்டில் சுமார் 20 லட்சம்பேர் சிறுநீரக நோய்களால் பாதிப்பு என விசேட மருத்துவ நிபுணர் அறிவித்துள்ளார்.
கடந்த ஆண்டில் நாட்டில் 11.409 சிறுவர் துஸ்பிhயோக வழக்குகள் பதிவாகியிருப்பதாக சிறுவர் பாதுகாப்புப் பணியகம் அறிவித்துள்ளது.
இலங்கையின் மொத்தச் சனத்தொகையில் 41.8 வீதமானோர் திருமண வயது வந்தும் திருமணம் ஆகாதாவர்களாகக் காணப்படுகிறார்கள் என புள்ளி விபரத் திணைக்களம் அறிவித்துள்ளது.
இலங்கைப் பெண்களின் கருவுறுதல் வீதம் 1.3 வீதத்தால் குறைவடைந்துள்ளது. 5 வயதிற்குட்பட்ட குழந்தைகளின் எண்ணிக்கை 5.6 வீதத்தால் குறைவடைந்துள்ளது. 60 வயதிற்கு மேற்பட்டவர்களின் எண்ணிக்கை 18 வீதம் அதிகரித்துள்ளது என புள்ளிவிபர திணைக்களம் அறிவித்துள்ளது.
நாட்டு மக்களின் எழுத்தறிவு வீதம் 97.4 வீதமாக உயர்ந்துள்ளது. கைத்தொலைபேசிப் பாவனை 93.8 வீதமாகவும் டிஸிற்றல் அறிவை 67.6 வீத மக்கள் பெற்றிருப்பதாகவும் புள்ளி விபரத்திணைக்களம் அறிவித்துதுள்ளது.
இலங்கையின் சனத் தொகையில் 4.13.939 பெண்களும் 3.13.354 ஆண்களும் மொத்தம் 7.27.293 பேர் ஏதோ ஒரு குறைபாடு மற்றும் மாற்றுத் திறனாளி;களாகக் காணப்படுகிறார்கள் என அரச புள்ளி விபரம் அறிவித- வடக்கு மாகாணத்தில் 2.726 பில்லியன் ரூபா செலவில் 1.363 புதிய வீடுகள் 6 மாதங்களுக்குள் கட்டப்படும் என வீடமைப்பு அமைச்சர் அறிவித்துள்ளார்.
டித்வா புயலின் அனர்த்த நிவாண நிதியாக 450 கோடி ரூபாவை 25 மாவட்ட மக்களுக்கு வழங்கப்பட்டன. 7.31.922 குடும்பங்களுக்கு வழங்கப்பட்டன. 24.87.114 பேர் பாதிப்பு, 676பேர் பலி, 155 பேர் காணாமல் போயுள்ளனர். ,ன்னும் 1.373 குடும்பங்கள் முகாம்களில் தங்கியுள்ளனர்.
இலங்கை வானொலி தனது 100 வது வருட நிறைவைக் கொண்டாடியுள்ளது.
2025ம் ஆண்டின் கணிப்பில் 85 அரசியல் கட்சிகள் பதிவு பெற்றுள்ளதாக தேர்தல் ஆணைக்குழு அறிவித்தது.
காணாமல் போன உறவுகளைத் தேடும் உறவுகளின் போராட்டம் 10 வருடங்கள் முடிந்தும் இன்றும் தேடும் அவல நிலை தொடர்கின்றது.
மத்திய கிழக்கு நாடுகளில் ஏற்பட்டிருக்கும் போர்ச் சுழூல்களால் நாட்டில் எரிபொருள், உணவுப்பாருட்கள் , மற்றும் அத்தியாவசிய உணவுப் பொருட்களின் விலைகள் பல மடங்கு அதிகரித்துள்ளன.
கடந்த 6 ஆண்டுகளில் 14 லட்சம் இலங்கையர்கள் வேலை வாய்ப்புகளுக்காக வெளிநாடுகளுக்குச் சென்றுள்ளனர். குவைத், சவுதி அரேபியா,கட்டார்,ஐக்கிய அரபு இராச்சியம் போன்ற நாடுகளுக்கே மிக அதிகமானோர் சென்றுள்ளனர்.
2025 க.பொ.த உயர்தரப் பரீட்சை முடிவுகளின்படி வடமாகாணம் தேசிய ரீதியில் முதலிடம்.வடமாகாணத்தில் 534 மாணவர்கள் மூன்று பாடங்களிலும் „ஏ“ சித்திகள் பெற்றிருக்கிறார்கள். 9.000 மாணவர்கள் பல்கலைக் கழகம் செல்லத் தகுதி பெற்றிருக்கிறார்கள்…